ஆந்திர பிரதேசத்தில்  வெள்ளத்தால் பாதிக்கப்பட்ட மக்களுக்கு உதவும் பொருட்டு ஆந்திர திரையுலகம் நடிகர் பாலகிருஷ்ணா தலைமையில் சனிக்கிழமை நவம்பர் 7 மாலை பல்வேறு கலை நிகழ்ச்சிகளுடன் நட்சத்திர இரவு நடத்தப்பட்டது. முன்னணி நடிகர்கள் நடிகையர் இந்த நட்சத்திர இரவில் கலந்துகொண்டனர்.

தமிழகத்தில் இருந்து சூப்பர் ஸ்டார் ரஜினிகாந்த், நடிகர் சூர்யா, பிரகாஷ் ராஜ், ராதா ரவி உள்ளிட்டோர் பங்கேற்றனர்.

இவ்விழாவில் பலத்த கரகோஷத்துக்கிடையே மேடையில் தோன்றிய சூப்பர் ஸ்டார் சில நிமிடங்கள் பேசுவார் என்று எதிர்பார்க்கப்பட்டது. ஆனால் அவர் சில நொடிகள் மட்டுமே பேசினார். தூய தெலுங்கில் அவரது உரை அமைந்தது.

“இவ்விழாவில் நான் கலந்து கொள்ள வேண்டும் என்று தாசரி அண்ணா என்னிடம் கேட்டுக்கொண்டபோது என்னுடைய பதிலை எதிர்பாராது போனை வைத்துவிட்டார். நான் இதோ வந்து விட்டேன். ஆந்திர மக்களாகிய உங்களுக்கு ஏதாவது ஒன்று என்றால் முதல் ஆளாக நான் வந்து நிற்பேன். என்றும் உங்களுக்கு உறுதுணையாக் இருப்பேன்” என்றார்.

முன்னதாக பேசிய தொகுப்பாளர் தாசரி நாராயண ராவ் கூறியதாவது: “நான் இரு வாரங்களுக்கு முன்பு இந்நிகழ்ச்சியில் கலந்துகொள்ள ரஜினியை அழைத்தபோது “நீங்கள் கண்டிப்பாக இந்நிகழ்ச்சியில் கலந்துகொள்ளவேண்டும்” என்று கூறிவிட்டு அவரது பதிலை எதிர்பார்க்காது உடனே போனை வைத்து விட்டேன். ஏனெனில் “எந்திரன் ஷூட்டிங் அது இதென்று அவர் சொனால் என்ன செய்வது” என்று தான். ஆனால் அவர் அனைத்தையும் ஒதுக்கிவைத்துவிட்டு கலந்துகொண்டிருக்கிறார். அவருக்கு என் நன்றி,” என்று கூறினார்.

விழாவில் தமிழகத்திலிருந்து சென்ற நட்சத்திரங்கள் மிக தாராளமாக் நிதி வழங்கினார்கள். சூப்பர் ஸ்டார் வழங்கிய நிதி பற்றிய விபரம் தெரியவில்லை. கிடைத்தவுடன் அப்டேட் செய்யப்படும்.

முன்னதாக விழாவிற்கு வந்த சூப்பர் ஸ்டார் ரஜினிக்கு சிரஞ்சீவி அருகில் இருக்கை போடப்பட்டது. சிருவும் சூப்பர் ஸ்டாரும் பரஸ்பரம் நல விசாரித்துவிட்டு பின்னர் சீரியஸாக பேசிக்கொண்டிருந்தனர்.

பிரத்யேக படங்கள் உங்களுக்காக இதோ தரப்பட்டுள்ளன.