ஜெயிலர் 2 படத்தின் அதிகாரப்பூர்வ டிரெய்லர் வெளியாகி ரசிகர்கள் மத்தியில் மிகப்பெரிய வரவேற்பை பெற்றுள்ளது. நெல்சன் இயக்கத்தில் மீண்டும் டைகர் முத்துவேல் பாண்டியனாக களமிறங்கும் ரஜினிகாந்த், டிரெய்லர் முழுவதும் தனது ஸ்டைல், வசனம், ஆக்ஷன் மற்றும் மாஸ் ஸ்கிரீன் பிரசென்ஸால் அசத்தியுள்ளார்.

முதல் பாகத்தை விட மிகப்பெரிய அளவில் உருவாக்கப்பட்டுள்ள ஆக்ஷன் காட்சிகள், நெல்சனின் டார்க் ஹியூமர், பிரம்மாண்டமான மேக்கிங் என டிரெய்லர் முழுவதும் ரசிகர்களுக்கு விருந்து வைத்துள்ளது.

“உங்க Daddy காலத்து ஸ்டைல் இல்ல…”

“உங்க Daddy காலத்து ஸ்டைல் இல்ல…” என்று தலைவர் பேசும் அந்த வசனமே டிரெய்லரின் ஹைலைட்களில் ஒன்று. பழைய காலத்து ரஜினியின் ஸ்டைலை நினைவுபடுத்தும் அந்த டயலாக் ரசிகர்களிடம் உடனடியாக வரவேற்பை பெற்றுள்ளது.

ரஜினியின் நடை, பார்வை, வசன உச்சரிப்பு என ஒவ்வொரு காட்சியிலும் பழைய சூப்பர் ஸ்டாரின் அந்த மாஸ் ஸ்டைல் மீண்டும் தெரிகிறது.

அதுமட்டுமல்லாமல், எல்லாரையும் ஒரே இடத்தில் வரவைத்து ஒரு மிகப்பெரிய சம்பவத்தை நடத்தும் அந்த காட்சி, ஜெயிலர் 2 எவ்வளவு பிரம்மாண்டமாக இருக்கப்போகிறது என்பதை காட்டுகிறது. ரஜினியுடன் மோகன்லால், சிவராஜ்குமார் உள்ளிட்ட பல முன்னணி நடிகர்கள் ஒரே இடத்தில் தோன்றுவது ரசிகர்களுக்கு செம்ம விருந்தாக அமைந்துள்ளது.

சூரஜ் வெஞ்சாரமூடின் வித்தியாசமான கெட்டப்!

மலையாள நடிகர் சூரஜ் வெஞ்சாரமூடு டிரெய்லரில் வித்தியாசமான கெட்டப்பில் கவனம் ஈர்க்கிறார். அவரது தோற்றத்துடன், அவர் பேசும் அந்த தனித்துவமான டோனும் கதாபாத்திரத்தின் மீது எதிர்பார்ப்பை ஏற்படுத்துகிறது.

அதேபோல் எஸ்.ஜே. சூர்யா, வித்யா பாலன், மிதுன் சக்ரவர்த்தி ஆகியோரின் காட்சிகளும் படத்தின் நட்சத்திர பலத்தை மேலும் அதிகரிக்கின்றன.

டிரெய்லரில் இடம்பெறும் ஒரு காட்சியை வைத்து ஹிருத்திக் ரோஷனும் படத்தில் இருக்கிறாரா என்ற எதிர்பார்ப்பும் ரசிகர்கள் மத்தியில் எழுந்துள்ளது. அது குறித்த முழு விவரம் படம் வெளியாகும்போதுதான் தெரியவரும்.

மோகன்லால், சிவராஜ்குமார் மீண்டும்!

முதல் பாகத்தில் ரசிகர்களை உற்சாகப்படுத்திய மோகன்லால் மற்றும் சிவராஜ்குமார் மீண்டும் டைகர் முத்துவேல் பாண்டியனுடன் இணைந்துள்ளனர்.

அவர்களை ஒரே பிரம்மாண்டமான உலகில் மீண்டும் பார்ப்பது ரசிகர்களுக்கு கூடுதல் உற்சாகத்தை கொடுத்துள்ளது. இதனுடன் புதிய நட்சத்திரங்களும் இணைந்திருப்பதால் ஜெயிலர் 2 இன்னும் பெரிய அளவில் இருக்கும் என்பது டிரெய்லரிலேயே தெரிகிறது.

அனிருத்தின் அதிரடி பின்னணி இசை!

டிரெய்லரின் மற்றொரு மிகப்பெரிய பலம் அனிருத்தின் பின்னணி இசை.

ரஜினியின் ஒவ்வொரு மாஸ் தருணத்திற்கும் சரியான பில்டப்பை கொடுக்கும் வகையில் இசை அமைந்துள்ளது. ஆக்ஷன் காட்சிகளிலும், நட்சத்திரங்கள் அறிமுகமாகும் தருணங்களிலும் அனிருத்தின் இசை காட்சிகளின் தாக்கத்தை மேலும் அதிகரிக்கிறது.

24 மணி நேரத்தில் 20 மில்லியன்!

டிரெய்லர் வெளியான வேகத்திலேயே ரசிகர்களின் வரவேற்பு பார்வை எண்ணிக்கையிலும் தெரிந்தது.

தமிழ், தெலுங்கு மற்றும் ஹிந்தி ஆகிய மூன்று மொழி டிரெய்லர்களும் சேர்ந்து 24 மணி நேரத்திற்குள் 20 மில்லியனுக்கும் அதிகமான பார்வைகளை கடந்துள்ளன.

தமிழ் டிரெய்லர் மட்டும் 10 மில்லியன் பார்வைகளை கடந்துள்ளது. மற்ற மொழி டிரெய்லர்களும் மில்லியன் கணக்கில் பார்வைகளை குவித்துள்ளன.

ரஜினியின் மாஸ், நெல்சனின் மேக்கிங், அனிருத்தின் இசை, சூரஜ் வெஞ்சாரமூடின் வித்தியாசமான கெட்டப், எஸ்.ஜே. சூர்யாவின் மிரட்டலான தோற்றம், வித்யா பாலன், மிதுன் சக்ரவர்த்தி, மோகன்லால், சிவராஜ்குமார் என நட்சத்திர பட்டாளமே ஒன்று சேர்ந்திருக்கிறது.

அதோடு ஹிருத்திக் ரோஷன் குறித்த எதிர்பார்ப்பும் சேர்ந்து ஜெயிலர் 2 மீதான எதிர்பார்ப்பை டிரெய்லர் பல மடங்கு உயர்த்தியுள்ளது.

“உங்க Daddy காலத்து ஸ்டைல் இல்ல…” — ஆனால் இந்த ஸ்டைல் முழுக்க முழுக்க நம்ம தலைவர் ஸ்டைல்!

அக்டோபர் 15… டைகர் முத்துவேல் பாண்டியன் மீண்டும் திரையரங்கில்!