தமிழக அரசியல் மற்றும் சினிமா வட்டாரங்களில் சமீபத்தில் அதிகமாக பேசப்பட்ட ஒரு விஷயம் — சூப்பர் ஸ்டார் ரஜினிகாந்த் கூறிய ஒரு வரி.

“காலம் பேசாது… ஆனால் காத்திருந்து பதில் சொல்லும்” என்ற அவரது இந்த கருத்து, சாதாரண பதிலாக அல்லாமல், மிகவும் ஆழமான அர்த்தம் கொண்டதாக பலரும் பார்க்கின்றனர்.

இந்த விவகாரம் தொடங்கியது, தமிழக வெற்றி கழகம் (TVK) கட்சியைச் சேர்ந்த யாதவ் அர்ஜுனன், சூப்பர் ஸ்டார் ரஜினிகாந்த் அரசியலுக்கு முழுமையாக வராததை விமர்சித்து கருத்து தெரிவித்தபோது. அவர், அந்த முடிவை விஜய் அரசியல் கட்சி தொடங்கிய முடிவுடன் ஒப்பிட்டு பேசினார். இந்த கருத்து வெளியானதும் சமூக வலைதளங்களிலும் ரசிகர்கள் மத்தியிலும் பெரும் எதிர்வினை ஏற்பட்டது.

ஆனால், வழக்கமாக இருப்பது போலவே, சூப்பர் ஸ்டார் ரஜினிகாந்த் உடனடியாக கடுமையான பதில் அளிக்கவில்லை. சில நாட்கள் அமைதியாக இருந்து, பின்னர் அவர் கூறிய அந்த ஒரு வரி —

“காலம் பேசாது… ஆனால் காத்திருந்து பதில் சொல்லும்.”

இந்த ஒரு வரி அனைவரின் கவனத்தையும் ஈர்த்தது.

இந்த பதில் வெளிப்படையாக தாக்குதல் இல்லாததாக இருந்தாலும், அதன் பின்னால் ஒரு வலிமையான செய்தி இருப்பதாக அரசியல் ஆய்வாளர்கள் கூறுகின்றனர். தலைவர் ரஜினி, தனது வழக்கமான தத்துவ பாணியில், நேரடியாக வாதத்தில் இறங்காமல், காலமே உண்மையை நிரூபிக்கும் என்பதை நினைவூட்டியதாக பலர் விளக்குகின்றனர்.

மேலும் குறிப்பிடத்தக்க விஷயம் என்னவென்றால், இந்த விமர்சனம் வெளிவந்த உடனே பல அரசியல் கட்சிகளின் தலைவர்களும் சூப்பர் ஸ்டார் ரஜினிகாந்த் மீது வந்த கருத்துகளை கண்டித்தனர். அதில் DMK, AIADMK, VCK, BJP உள்ளிட்ட பல கட்சிகளின் பிரதிநிதிகள் தங்கள் ஆதரவை வெளிப்படுத்தினர்.

தலைவர் ரஜினி அரசியலில் முழுமையாக நுழையாத முடிவு குறித்து பலர் பலவிதமாக கருத்து கூறினாலும், அது ஒரு பொறுப்புணர்வு கொண்ட முடிவு என அரசியல் வட்டாரத்தில் கூறப்படுகிறது. தனது வருகையால் வாக்கு பிளவு ஏற்படாமல் இருக்க வேண்டும், தனது ரசிகர்களுக்கு தேவையற்ற அரசியல் அழுத்தம் வரக்கூடாது என்ற எண்ணமே அதற்கு காரணம் என்று பலரும் விளக்குகின்றனர்.

இந்நிலையில், சூப்பர் ஸ்டார் ரஜினிகாந்த் கூறிய “காலம் பதில் சொல்லும்” என்ற வரி ரசிகர்களிடையே ஒரு புதிய நம்பிக்கையையும் உற்சாகத்தையும் உருவாக்கியுள்ளது. அவசரமான பதிலுக்கு பதிலாக காத்திருந்து சரியான நேரத்தில் பதில் சொல்லும் தலைவர் ரஜினியின் பாணியை அந்த வார்த்தைகள் மீண்டும் நினைவூட்டுகின்றன.

இப்போது தமிழக வெற்றி கழகம் தரப்பிலிருந்தே, யாதவ் அர்ஜுனா “தலைவர் ரஜினி சார் மீது எந்த வெறுப்பும் இல்லை… அவர் மீது அன்பு மட்டுமே” என்று விளக்கம் அளித்துள்ளார்.

இதனால் இந்த முழு விவாதம் ஒரு விஷயத்தை தெளிவாக காட்டுகிறது —

சூப்பர் ஸ்டார் ரஜினிகாந்த் போன்ற ஒரு பெரிய மனிதரை பற்றி பேசும் முன், சிந்தித்து பேச வேண்டும்.

ஏனெனில், தலைவர் ரஜினி பதில் சொல்ல வேண்டிய அவசியமே இல்லை… காலமே பதில் சொல்லிவிடும்.

அதுதான் சூப்பர் ஸ்டார் ரஜினியின் உயரம்.