Related Articles
அடடே !! : ரஜினி கணபதி - இவர் வழியும் தனி வழிதான்
Sivaji movie producers clarify on sale of theatrical rights
ராஜாவும் ராஜாதி ராஜாவும் ... பட்டிமன்றம் ராஜா
Rajinikanth watched Paruthiveeran
Fan narrates the meeting our Thalaivar Rajinikanth in USA
Is Rajinikant Chandramukhi made to run more than 600 days?
Superstar Rajinikanth visited Sai Baba in Chennai
Sivaji shooting near Kaaraikal .....
Rajinikanth in Vijay Pokiri and Ajith Aalwar Banners ...
The first official sale of Sivaji distribution rights has taken place...

Year Category : Rajini News
2020 2010
2019 2009
2018 2008
2017 2007
2016 2006
2015 2005
2014 2004
2013 2003
2012 2002
2011 2001

  Join Us



Subscription

 Subscribe in a reader

Article
சந்திரமுகி ஹரிதாஸ் படத்தின் சாதனையை முறியடிக்கும்
(Thursday, 15th March 2007)

`ஹரிதாஸ்' சாதனையை `சந்திரமுகி' முறியடிக்குமா?
700 நாட்களை தாண்டி ஓடுகிறது


ரஜினிகாந்த் நடித்த `சந்திரமுகி' படம், 700 நாட்களைத்தாண்டி ஓடிக்கொண்டிருக்கிறது. `ஹரிதாஸ்' படத்தின் சாதனையை, `சந்திரமுகி' நெருங்கிக்கொண்டிருக்கிறது.

`ஹரிதாஸ்'

தமிழ் பட வரலாற்றிலேயே மிக அதிக நாட்கள் ஓடி சாதனை புரிந்த படம், `ஹரிதாஸ்.' இந்த படம், ஒரே தியேட்டரில் 784 நாட்கள் ஓடி வரலாற்று சாதனை படைத்தது.

இது, தியாகராஜ பாகவதர் கதாநாயகனாக நடித்த படம். அவருக்கு ஜோடியாக பிரபல பாடகி என்.சி.வசந்த கோகிலம் நடித்து இருந்தார். டி.ஆர்.ராஜகுமாரி, `ரம்பா' என்ற தாசியாக வில்லியாக நடித்து இருந்தார். இவருடைய அழகில் மயங்கி, பாகவதர் தனது சொத்துக்களை எல்லாம் இழப்பது போல் கதை அமைக்கப்பட்டு இருந்தது.

1944-ம் வருடம் தீபாவளி பண்டிகை அன்று `ஹரிதாஸ்' திரைக்கு வந்தது. சென்னை பிராட்வே தியேட்டரில், தினசரி 2 காட்சிகளாகவும், சனி, ஞாயிறில் 3 காட்சிகளாகவும் 112 வாரங்கள் ஓடி சாதனை படைத்தது.

`சந்திரமுகி'

பாகவதர் நடித்த `ஹரிதாஸ்' படத்தின் சாதனையை, ரஜினிகாந்த் நடித்த

`சந்திரமுகி' படம் நெருங்கிக்கொண்டிருக்கிறது. கடந்த 2005-ம் வருடம் ஏப்ரல் மாதம் 14-ந் தேதி, இந்த படம் திரைக்கு வந்தது. சிவாஜி புரொடக்ஷன்ஸ் தயாரித்து, பி.வாசு டைரக்டு செய்திருந்தார்.

ரஜினிகாந்த் ஜோடியாக நயன்தாராவும், பிரபு ஜோடியாக ஜோதிகாவும் நடித்து இருந்தார்கள். தமிழ் பட வரலாற்றில், மிக அதிக நாட்கள் ஓடி சாதனை புரிந்த பட வரிசையில், `சந்திரமுகி' யும் இடம்பெற்று இருக்கிறது.

700 நாட்கள்

சென்னை சாந்தி தியேட்டரில் திரையிடப்பட்ட `சந்திரமுகி,' தொடர்ந்து 700 நாட்களை தாண்டி ஓடிக்கொண்டிருக்கிறது. தொடர்ந்து 800 நாட்கள் வரை `சந்திரமுகி' படம் ஓடி, `ஹரிதாஸ்' படத்தின் சாதனையை முறியடிக்கும் என்று சிவாஜி புரொடக்ஷன்ஸ் ராம்குமார் தெரிவித்தார்.

Source : Thina Thanthi 






 
0 Comment(s)Views: 1427

 
Website maintained by rajinifans creative team

© All Rights Reserved - www.rajinifans.com

Disclaimer Information